Bergrivier Besproeiing beskik oor gekwalifiseerde tegniese ingenieurs wat opgelei is om alle besproeiingsontwerpe te kan doen.

Ons diens bestaankortliks uit dievolgende:

• Ons besoek die kliënt en stel vas wat is die behoefte en omvang van die projek.
• Ons kyk na al die feite, inligting en ontleding van die plaas in sy geheel. ‘n Ordentlike annalise word gedoen waar die toekomstige behoeftes en uitbreidings na gekyk word. Ons kyk na ‘n langtermyn plan en kombineer dit met die huidige omstandighede.
• Ons meet die plaas op met gesifistokeerde GPS masjiene wat tot 1 cm akkuraat is.
• ’n Gedetailleerde plan met 0,5m tot 1,0m kontoere, blok uitlegte, hooflyne en blok inligting word geteken.
• Ons konsulteer met die klient en indien nodig, maak ons gebruik van spesialiste wat tot ons beskiking is om raad te gee oor aspekte soos plantrigtings, plantspasieërings, grondtipes, nette ens.
• Ons ontwerp die stelsels deur gebruik te maak van gevorderde rekenaar tegnologie en deur jare se ondervinding binne Bergrivier Besproeiing se tegniese span.
• Ons het die kundigheid om u van die beste ontwerpe te voorsien.

Bergrivier Besproeiing maak gebruik van die nuutste GPS tegnologie. Ons gebruik die gevorde GPS stelsel van OPTRON. Hierdie stelsel is gekoppel aan sateliete wat die inligting lewendig verwerk en dadelik op die reknaars aflaai. Die akkuraatheid van die stelsel is 1cm en inligting is dadelik beskikbaar.

Ons gebruik die nuutste DJI homeltuig tegnologie en programmering om data vinnig en akkuraat te versamel. Ons gebruik hierdie meestal vir landopnames, fotogrammetrie, 3D -kartering en topografiese opmetings. Hommeltuie stel ons spesialiste in staat om landskappe en terrein wat moeilik bereikbaar is, te karteer. Die hoë resolusie ortofoto’s stel ons in staat om hoogs akkurate oppervlaktemetings sowel as helling- en kontoerevaluering uit te voer. Dit stel ons in staat om die beste besproeiingstelsel vir die area te ontwerp.

Bergrivier Besproeiing beskik oor baie jare se praktiese ondervinding met betrekking tot die ontwerp van besproeiingstelsels en die optimalisering van die projekte. Ons maak gebruik van verskeie hoogs-tegnologiese programme om die beste besproeiingsstelsel te ontwerp. Unieke programme is ontwikkel vir die beste ontwerpe. Ons maak gebruik van die program Model Maker om die opmetings en ontwerpe te kan optimaliseer. Pomp programme word gebruik om die beste pompe vir projekte te kies. 

Tegnologie kan nie ondervinding vervang nie, maar dit bied waardevolle ondersteuning vir ons projekte.

Bergrivier Besproeiing se ingenieurs en tegnici is opgelei om planne te teken van die hoogtse kwaliteit. Alle  inligting met betrekking tot die besproeiingstelsel, blokke se oppervlaktes, kulivars ens. word aandui. Die planne word geteken op die Model Maker program wat baie geskik is vir besproeiingsontwerpe en algemene plaasplanne. Ons teken ook plaasplanne wat gebruik kan word vir plaasbestuur en om op te sit in kantore. Ons A0 printer en lamineerder stel ons in staat om plaasplanne netjies aan kliënte voor te lê.

Hierdie planne is uiters belangrik vir daaglikse beplanning. Alle inligting word digitaal gestoor. Ons planne dateer terug so ver as 1989 en dit word gereeld nog geraadplaag.

Bergrivier Besproeiing beskik oor die nodige kundigheid en rekenaar programme om u besproeiing op die plaas te ontleed en te bepaal of u stelsel teen die beste effektiwiteit funksioneer. Ons het baie jare se praktiese ondervinding op plase en kan bepaal waar die bottelnekke is. Ons kan die teorie en praktyk bymakaar bring om te kyk wat die beste opsie vir die spesifieke plaas is.

Bergrivier Besproeiing beskik oor die nodige rekenaar programme om die skedulering van u beproeiing te kan doen. Ons werk saam met kundige mense in die bedryf wat die grondtipes ken, soos die voghou vermoë ens. Kundige plantkundiges word betrek om die betrokke gewasse se waterbehoeftes te ken in elke staduim van groei. Ons werk met die weerdata en verdampingssyfers om die stelsel te ontwerp vir die “worst case scenario”. Ons gebruik hierdie inligting om die optimum besproeiings skedulering te doen.

Ons beskik oor die tegnologie om vog in die grond te meet op verskeie maniere. Daar is verskillende tipes vir elke behoefte.

Grondbore werk nog die beste en ons hou voorraad. Tensionmeters word op 300mm, 600mm en 900mm geiinstalleer. Die mees effektiefste is egter die “Continuous Soil Moisture Probes”, hierdie vogmeters werk met ‘n simkaart en neem lesings elke 1 uur, dit word deurgegee na ‘n website waar die inligting beskikaar is. Dit is waar grafieke en inligting gestoor word, met hierdie tegnologie kan u baie akkuraat u besproeiings-skedulering bestuur.